Heb 12 | Ndebele | STEP | Ngakho-ke lathi sigonjolozelwe liyezi elikhulu kangaka labafakazi, asilahle konke okusindayo lesono esi si thandele lula, asigijime ngokubekezela umjaho esiwumiselweyo ,

1 Ngakho-ke lathi sigonjolozelwe liyezi elikhulu kangaka labafakazi, asilahle konke okusindayo lesono ^a esisithandele lula, asigijime ^b ngokubekezela ^c umjaho ^d esiwumiselweyo ^e, 2 sikhangele kuJesu umqalisi lomphelelisi wokholo lwethu ^f, owathi ^g ngenxa yentokozo ^h ayimiselweyo ⁱ, waqinisela esiphambanweni ^j, edelela ihlazo ^k, wahlala ^l ngakwesokunene sesihlalo sobukhosi sikaNkulunkulu. 3 Ngakho mqapheliseni ^m yena owaqinisela kuyo impikisano ⁿ engaka lezoni emelane laye, ukuze lingadinwa ^o, liphelelwe ngamandla ^p emiphefumulweni yenu.

4 Kalikamelani lakho kuze kube segazini ^q lisilwa lesono; 5 njalo selikhohliwe inkuthazo ^r, ekhuluma kini njengemadodaneni eyokuthi: Ndodana yami ^s, ungadeleli ukulaya kweNkosi, njalo ungapheli amandla ^t, nxa usolwa yiyo; 6 ngoba iNkosi iyalaya emthandayo; njalo itshaye ngesiswepu ^u yonke indodana eyemukelayo. 7 Uba likhuthazela ekulayweni, uNkulunkulu uyaliphatha njengamadodana ^v; ngoba yiyiphi indodana uyise angayilayiyo ^w? 8 Kodwa uba lingelakulaywa, okuthi bonke bangabahlanganyeli bakho ^x, ngakho lingabokufetshwa njalo kalisiwo amadodana. 9 Futhi-ke sasilabo obaba benyama yethu abasilayayo njalo sabahlonipha ^y; pho, kasiyikuzehlisela ngaphansi kukaYise wemimoya ^z kakhulu kulalokho, siphile? 10 Ngoba bona kambe basilaya okwensuku ezinlutshwana, njengokubona kwabo; kodwa yena kube yikusizakala kwethu, ukuze sihlanganyele ubungcwele bakhe ^aa. 11 Lakho konke ukulaywa okukhona kakubonakali angathi ngokwentokozo, kodwa ngokosizi; emva kwalokho-ke kuyabalethela isithelo ^ab sokuthula sokulunga abaqeqetshwa ngakho ^ac.

12 Ngakho qinisani ^{ad
,} ^ae izandla ezibuthakathaka lamadolo axegayo ^af; 13 njalo lenzele inyawo zenu ^ag indlela eziqondileyo, ukuze okuqhulayo kungenyeli ^ah, kodwa kulalokho kusiliswe ^ai. 14 Nxwanelani ukuthula ^aj labo bonke, lobungcwele ^ak, ngaphandle kwalokho kakulamuntu ozayibona iNkosi ^al; 15 liqaphelisa ukuze kungabi khona osilelayo ^am emuseni kaNkulunkulu ^an; kungamili lampande ^ao yokubaba ikhathaze, njalo ngayo abanengi bangcoliswe; 16 kakungabi lamuntu oyisifebe ^ap kumbe ongakhonzi uNkulunkulu ^aq, njengoEsawu, owathengisa ubuzibulo bakhe ^ar ngokudla okukodwa. 17 Ngoba liyazi ukuthi lemva kwalokho, esethanda ukudla ilifa ^as lesibusiso, waliwa; ngoba kayitholanga indawo yokuphenduka ^at, lanxa wayidingisisa ngezinyembezi ^au.

Intaba yeSinayi leyeZiyoni

18 Ngoba kalizanga entabeni ^av engathintwa, lemlilweni ovuthayo, lekufiphaleni, lemnyameni, lesivunguvungwini, 19 lekukhaleni kophondo ^aw, lelizwini lamazwi ^ax, okwathi labo abezwayo ^ay bancenga ukuthi kungabe kusakhulunywa ilizwi kubo; 20 ngoba babengelakukumela lokho okwalaywayo ukuthi: Ngitsho lenyamazana uba ithinta intaba ^az, izakhandwa ngamatshe, kumbe itshokwe ngomtshoko; 21 njalo, kwakusesabeka kangaka ^ba lokho okwabonwayo, uMozisi wathi: Ngilovalo, ngiyathuthumela. 22 Kodwa lize entabeni iSiyoni ^bb, lemzini ^bc kaNkulunkulu ophilayo ^bd, eJerusalema yasezulwini ^be, lakuzigidi zengilosi ezingelakubalwa ^{bf
,} ^bg, 23 lemhlanganweni omkhulu lebandleni ^bh lamazibulo ^bi abhalwe ^{▼▼ abhalwe: kumbe, abhaliswe.} emazulwini ^bk, lakuNkulunkulu umahluleli wabo bonke ^bl, lakumimoya yabalungileyo ^bm abaphelelisiweyo ^bn, 24 lakuJesu umlamuli ^bo wesivumelwano ^{bp
,} ^{▼▼ isivumelwano: kumbe, ithestamente.} esitsha, legazini lokufafaza ^br elikhuluma izinto ezingcono ^bs kulelikaAbela ^bt.

25 Qaphelani ukuthi lingamali okhulumayo. Ngoba uba bengaphephanga ^bu labo abala ^bv lowo owakhuluma okuvela kuNkulunkulu emhlabeni ^bw, kakhulu kangakanani thina esimfulathelayo lowo okhuluma evela emazulwini; 26 olizwi lakhe ^bx ngalesosikhathi lanyikinya umhlaba, kodwa khathesi uthembisile, wathi: Ngizaphinda kanye ^by ukunyikinya kungeyisiwo umhlaba wodwa, kodwa lezulu. 27 Lalokhu ukuthi: Ngizaphinda kanye, kutshengisa ukususwa kwezinto ezinyikinywayo ^bz, kungathi ezenziweyo, ukuze kusale izinto ezinganyikinywayo. 28 Ngakho njengoba sisemukela umbuso ongelakunyikinyekiswa, asibe ^{▼▼ asibe lomusa: kumbe, asibambe umusa.} lomusa esingamkhonza uNkulunkulu ^cb ngawo ngokwemukelekayo ^cc kanye lokuthobeka lokwesaba uNkulunkulu ^cd; 29 ngoba-ke uNkulunkulu ^ce wethu ungumlilo oqothulayo ^cf.